اسلا م آباد(نیوز ڈیسک) نیپال بھارت اور پاکستان میں المناک زلزلے کے بعد آفٹرشاکس کا سلسلہ جاری‘ مشرقی نیپال اور بھارت کے مختلف علاقون میں آفٹر شاکس کی شدت 7.2 ریکارڈ کی گئی ہے جبکہ پشاور اور لاہور کے مختلف علاقوں میں بھی زلزلے کے جھٹکے محسوس کئے گئے ہیں۔ غیر ملکی میڈیا کے مطابق اتوار کے روز بھی وقفے وقفے سے بھارت اور مشرقی نیپال میں زلزلے کے جھٹکے محسوس کئے گئے ہیں جس کی شدت نیپال مین اور بھارت میں 7.2 ریکارڈ کی گئی ہے تاہم ان جھٹکوں کو آفٹر شاکس کا نام دیا گیا ہے اور ان جھٹکوں میں کسی قسم کا کوئی نقصان نہیں ہوا ہے۔ محکمہ موسمیات کے مطابق نیپال اور بھارت کے علاوہ پاکستان کے مختلف علاقوں لاہور‘ پشاور اور بالائی علاقوں میں بھی زلزلے کے جھٹکے محسوس کئے گئے ہیں۔ ریکٹر سکیل پر جنکی شدت 6.2 ریکارڈ کی گئی ہے تاہم وقفہ وقفہ سے آفٹر شاکس کا سلسلہ جاری ہے۔ محکمہ موسمیات کے مطابق آفٹر شاکس کا سلسلہ 2 سے 3 ہفتوں تک جاری رہے گا۔