اسلام آباد (نیوذ ڈ یسک) پاکستانی شوبز کی معروف اداکارہ صبا قمر اور اداکار یاسر حسین کی ایک قوالی نائٹ میں شرکت کی ویڈیو سوشل میڈیا پر تیزی سے گردش کر رہی ہے،
جس میں دونوں فنکار محفل کے دوران موسیقی اور قوالی سے لطف اندوز ہوتے نظر آئے۔
تقریب میں صبا قمر اور یاسر حسین نے رسمی انداز اپنانے کے بجائے کھل کر محفل کا حصہ لیا۔ وائرل ہونے والی ویڈیو میں دونوں قوالی کی دھنوں سے محظوظ ہوتے اور خوشگوار انداز میں وقت گزارتے دکھائی دیتے ہیں۔
محفل میں اس وقت سماں مزید روح پرور ہوگیا جب استاد نصرت فتح علی خان کی مشہور صوفیانہ قوالی ’تیرے بن نہیں لگدا دل میرا ڈھولنا‘ پیش کی گئی۔ قوالی کی پُرسوز دھنوں نے تقریب میں موجود افراد کو اپنے سحر میں جکڑ لیا اور شرکا نے بھی بھرپور انداز میں محفل کو انجوائے کیا۔
تقریب کے دوران صبا قمر گہرے میرون رنگ کی خوبصورت میکسی میں نظر آئیں، جبکہ یاسر حسین نے سیاہ رنگ کا مشرقی لباس زیب تن کر رکھا تھا۔ دونوں فنکاروں کا بے تکلف انداز تقریب کی رونق میں مزید اضافہ کرتا دکھائی دیا۔
قوالی نائٹ کے لیے سجائے گئے مقام نے بھی شرکا کی توجہ حاصل کی۔ چھت پر بڑی تعداد میں ننھی سفید روشنیاں لگائی گئی تھیں، جنہوں نے پورے ماحول کو ستاروں بھرے آسمان جیسا منظر دے دیا۔ اس کے علاوہ سنہری روشنیوں اور پھولوں کی آرائش نے تقریب کی خوبصورتی کو مزید بڑھا دیا۔
ویڈیو منظر عام پر آنے کے بعد سوشل میڈیا صارفین کی جانب سے صبا قمر اور یاسر حسین کے انداز کو پسند بھی کیا گیا۔ بعض صارفین نے دونوں کی خوش مزاجی اور محفل میں گھل مل جانے کے انداز کو سراہا، تاہم کچھ افراد نے وائرل ویڈیو پر ناراضی کا اظہار کرتے ہوئے دونوں اداکاروں کو تنقید کا نشانہ بھی بنایا۔
View this post on Instagram
