اسلام آباد (نیوز ڈیسک) ملک میں سونے کی قیمت میں اضافے کا سلسلہ جاری ہے اور آج بھی فی تولہ سونا مزید مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 4 ہزار 200 روپے کا اضافہ ہوا، جس کے بعد نئی قیمت 4 لاکھ 87 ہزار 136 روپے فی تولہ تک پہنچ گئی۔
دوسری جانب عالمی مارکیٹ میں بھی سونے کی قیمت میں نمایاں اضافہ ریکارڈ کیا گیا۔ عالمی سطح پر سونا 42 ڈالر اضافے کے بعد 4 ہزار 646 ڈالر فی اونس کی سطح پر پہنچ گیا۔
اعداد و شمار کے مطابق گزشتہ دو کاروباری دنوں میں مقامی مارکیٹ میں فی تولہ سونا 10 ہزار 900 روپے مہنگا ہوا تھا، جبکہ آج کے اضافے کو شامل کیا جائے تو صرف تین کاروباری دنوں میں سونے کی قیمت مجموعی طور پر 15 ہزار 100 روپے بڑھ چکی ہے۔
