ممبئی ( (نیوزڈیسک))بالی ووڈ اداکارہ دپیکا پڈوکون اپنی اگلی فلم ‘پیکو’ میں ایک منفرد کردار میں نظر آئیں گی۔پیکو میں امیتابھ بچن اور عرفان خان بھی اپنی اداکاری کے جوہر دکھا رہے ہیں۔دپیکا کا کہنا ہے کہ ‘پیکو’ میں ان کا کردار ایک ایسی لڑکی کا ہے جو نوکری کرکے اپنا گھر چلانے کے ساتھ ساتھ اپنے بوڑھے باپ کا خیال بھی رکھتی ہے۔دپیکا کا کہنا ہے کہ انہیں یہ کردار کافی پسند آیا ہے کیونکہ ان کی حقیقی زندگی بھی اس کے خاصی قریب ہے۔دپیکا نے اپنے ملبوسات کی کلیکشن بھی متعارف کروائی ہے۔ جسے پیکو کے نام سے ہی منسوب کیا گیا ہے۔فلم 8مئی کو سینماﺅں کی زینت بنے گی۔