ممبئی (نیوزڈیسک)بالی ووڈ کے کامیاب ترین پروڈیوسر کرن جوہر کا کہنا ہے کہ وہ اپنی کسی بھی فلم میں انوراگ کشیپ کو کاسٹ نہیں کریں گے کیونکہ وہ صرف پرکشش شخصیات کو ہی اپنی فلموں میں موقع دیتے ہیں۔کرن جوہر پروڈکشن کے ساتھ ساتھ اب اداکاری کے میدان بھی اپنا لوہا منوا رہے ہیں اور حال ہی میں انہوں نے انوراگ کشیپ کی فلم ”بومبے ویلوٹ“ میں ولن کا کردار ادا کیا۔انڈین میڈیا کے مطابق کرن جوہر کا کہنا ہے کہ وہ کبھی ایسی فلم نہیں بنائیں گے جس میں انوراگ کشیپ کو اداکاری کا موقع دینا پڑے۔ان کا مزید کہنا تھا کہ وہ خود کو بھی کبھی کسی فلم میں کاسٹ نہیں کرتے لیکن فلم ”بومبے ویلوٹ“ میں انوراگ نے پہلی بار ان کو ولن کا کردار ادا کرنے کی پیشکش کی جسے انہوں نے قبول کر لیا۔کہا جاتا ہے کہ فلم”بومبے ویلوٹ“ میں کرن جوہر سے پہلے اداکار نصیرالدین شاہ کو ولن کے کردار دینے پر غور کیا جا رہا تھا۔فلم میں کرن جوہر کے ساتھ رنبیر کپور اور انوشکا شرما بھی شامل ہیں اور اس فلم کا دوسرا ٹریلر حال ہی میں ریلیز کیا گیا