ممبئی (نیوز ڈیسک) بھارتی کرکٹر ویرات کوہلی نے بالی ووڈ اداکارہ اور اپنی گرل فرینڈ انوشکا شرما کی کھلے عام مدح سرائی شروع کردی ہے اور کہا ہے کہ ان کی نظر میں انوشکا شرما ہی سب سے زیادہ چاہی جانے والی خاتون ہیں۔ بھارتی کرکٹر ویرات کوہلی ٹائمز کی پچاس سب سے زیادہ چاہی جانے والے شخصیتات کی فہرست میں پہلے نمبر پر ہیں اور اسی حوالے سے وہ اپنے خیالات کا اظہار کررہے تھے۔ کوہلی سے جب ان کے خیالات کی وجہ پوچھی گئی تو انہوں نے کہا کہ وہ پیاری اور سادہ سی شخصیت کی مالک ہے۔انوشکا بھی اتنی ہی دیانت دار ہے، جتنا کہ میں خود ہوں اور اس کی شخصیت میں مجھے سب سے زیادہ یہی پسند ہے۔ اس کی جانب کھنچے چلے جانے کی سب سے بڑی وجہ اس کا خالص اور ریا سے پاک ہونا ہے۔