ممبئی(نیوز ڈیسک) بالی ووڈ میں اپنے اداکاری اور ڈانس کے حوالے سے شہرت رکھنے والے اداکار ہریتھک روشن نے اپنی نئی فلم کی عکس بندی کے دوران عریاں مناظرفلمانے سے متعلق افواہوں کو مسترد کرتے ہوئے کہا ہے کہ وہ اس طرح کے مناظر کی عکس بندی کے حق میں نہیں۔بھارتی میڈیا کے مطابق بالی ووڈ اسٹار ہریتھک روشن ان دنوں اپنی نئی آنے والی فلم ”موہن جو دڑو“ کی شوٹنگ میں مصروف ہیں اور اس فلم میں عریاں مناظر کی عکس بندی سے متعلق بالی ووڈ اسٹار کا کہنا ہےکہ وہ فلموں میں کسی صورت عریاں مناظر کی عکس بندی کے حق میں نہیں اور فلم ”موہن جودڑو“ میں بھی اس طرح کے مناظر کی عکس بندی سے متعلق خبروں کی سختی سے تردید کرتے ہیں۔