ممبئی (نیوز ڈیسک) بالی ووڈ اداکارہ مگدا گوڈسے نے ٹوئٹر پر انکشاف کیا ہے کہ ان کی آنے والی فلم کے کریو میں شامل 8افراد بھی گزشتہ ہفتے نیپال میں آنے والے زلزلے کی نظر ہوئے ہیں۔ واضح رہے کہ اس زلزلے میں بھارتی فلمی دنیا سے تعلق رکھنے والے متعدد افراد بھی متاثر ہوئے ہیں۔ قبل ازیں خبر آئی تھی کہ تیلگو اداکار کے وجے اس زلزلے میں ہلاک ہوگئے ہیں۔ مگدا کے مطابق وہ ان افراد کے ہمراہ آنے والی فلم کی تیاریوں میں بے حد پرجوش تھیں اور اب وہ شدید دکھ کے عالم میں ہیں۔ مذکورہ فلم میں مگدا کے مقابل رسلان ممتاز کام کررہے ہیں۔ بالی ووڈ ڈائریکٹر کنال دیش مکھ بھی اس زلزلے کی وجہ سے کھٹمنڈو میں پھنس گئے ہیں۔