لاہور(نیوز ڈیسک)سٹیج اداکار افتخار ٹھاکر نے کہا ہے کہ ہر شعبہ میں لوگوں کو شعور آ رہا ہے جس کی وجہ سے تبدیلی بھی ممکن ہو رہی ہے، سرمایہ کاروں کو چاہئے کہ وہ لوگوں کو تفریح فراہم کرنے کے شعبہ میں بھی سرمایہ کاری کریں۔
نجی ٹی وی سے خصوصی گفتگوکرتے ہوئے افتخار ٹھاکر کاکہناتھاکہ سٹیج کا مستقبل محفوظ بنانے کیلئے فنکاروں کے ساتھ ساتھ ہدایت کاروں اور پروڈیوسرز کو بھی اپنا کردار ادا کرنا ہو گا،اس بات پر فخر ہے کہ خود کو عریانی اور فحاشی سے دور رکھا ہے اور صرف یہی کوشش ہوتی ہے کہ اپنے دیکھنے والوں کو زیادہ سے زیادہ تفریح فراہم کروں۔