لاہور (نیوزڈیسک) ماضی کی معروف اداکارہ روحی بانو پر نامعلوم افراد تشدد کرنے کے بعد فرار ہو گئے ۔ بتایا گیا ہے کہ ڈیفنس کے علاقے میں نامعلوم افراد نے اداکارہ روحی بانو پر تشدد کیا جس کے بعد ریسکیو 1122کے اہلکاروں نے ان کو سروسز ہسپتال منتقل کر دیا جہاں انہیں طبی امداد فراہم کرنے کے بعد گھر جانے کی اجازت دیدی گئی ۔ روحی بانو نے پولیس کو نامعلوم حملہ آوروں کے خلاف اندراج مقدمہ کی درخواست دیدی ۔ اس حوالے سے پولیس کا کہنا ہے کہ بہت جلد نامعلوم حملہ آوروں کو گرفتار کر لیا جائے گا۔ شوبز حلقوں سے تعلق رکھنے والے فنکاروں نے روحی بانو پر تشدد کی شدید مذمت کرتے ہوئے کہا کہ روحی بانو پہلے ہی غمزدہ اور تنہائی کا شکار ہیں اور اس مشکل وقت میں فنکاروں سمیت حکومت کو بھی ہر طرح سے ان کی داد رسی کرنی چاہیے ۔ دوسری جانب وزیر اعلیٰ پنجاب محمد شہباز شریف نے روحی بانو پر نامعلوم افراد کے تشدد کی شدید مذمت کرتے ہوئے کرتے ہوئے آئی جی پنجاب سے واقعے کی رپورٹ طلب کر لی ہے ۔