لندن (این این آئی)یو ایس اوپن نے رواں سال ٹینس کی تاریخ کی سب سے بڑی انعامی رقم کا اعلان کردیا ہے۔

منتظمین کے مطابق نیویارک میں 23 اگست سے 13 ستمبر تک ہونے والے گرینڈ سلیم ٹورنامنٹ میں مجموعی طور پر 10 کروڑ 80 لاکھ ڈالر کی انعامی رقم تقسیم کی جائے گی۔مردوں اور خواتین کے سنگلز چیمپئنز کو اب پانچ لاکھ 50 ہزار ڈالر کے بجائے 55 لاکھ ڈالر فی کس ملیں گے جو گزشتہ سال کے مقابلے میں 10 فیصد زیادہ ہیں،یہ گرینڈ سلیم کی تاریخ میں سنگلز فاتح کے لیے سب سے بڑی انعامی رقم بھی ہوگی۔پہلے رائونڈ میں شکست کھانے والے کھلاڑیوں کی رقم بھی 27 فیصد اضافے کے بعد ایک لاکھ 40 ہزار ڈالر کردی گئی ہے۔

یہ اعلان ایسے وقت میں سامنے آیا ہے جب ٹاپ ٹینس کھلاڑی گرینڈ سلیمز کی آمدنی میں زیادہ حصے کا مطالبہ کر رہے ہیں۔جینک سنر اور آرینا سبالینکا سمیت کئی بڑے کھلاڑیوں نے رواں سال فرنچ اوپن اور ومبلڈن میں میڈیا سیشنز کو 15 منٹ تک محدود کرکے احتجاج بھی کیا تھا۔یو ایس اوپن نے کھلاڑیوں کی معاونت کے لیے 2026 میں 20 لاکھ ڈالر کے ابتدائی فنڈ کا بھی اعلان کیا ہے جسے مرد اور خواتین کھلاڑیوں میں برابر تقسیم کیا جائے گا۔