لندن (نیوزڈیسک)برطانیہ نے پاکستان کو تقریباً دس لاکھ پاﺅنڈ مالیت کا پیکج دینے کا فیصلہ کیا ہے جس کا مقصد دیسی ساختہ دھماکہ خیز مواد کو تباہ کر نے میں مدد ینا ہے اس سے دہشتگردی کے خلاف جنگ کو بھی موثر بنانے میں مدد ملے گی ۔وزیر دفاع مائیکل فالن کی طرف سے تحریری طورپر پارلیمنٹ کو بتایا گیا ہے کہ برطانیہ پاکستان کو دیسی ساختہ بموں کو تباہ کر نے کے آلات فراہم کریگا جس میں میٹل ڈیٹکٹرز بھی شامل ہیں پاکستان کو دہشتگردوں کی طر ف سے دیسی ساختہ بموں کے سنگین خطرات لاحق ہیں اور پاکستان میں اس حوالے سے برطانیہ سے تعاون کےلئے رابطہ کیا تھا ۔مئی میں برطانیہ نے تین سالہ پروگرام کے تحت پاکستان کو ایک کروڑ تیس لاکھ پاﺅنڈ کی امداد دینے کا فیصلہ کیا تھا اور اس حوالے سے گزشتہ ماہ وزیر دفاع پاکستان کا دورہ کر چکے ہیں اور انہوںنے نئے پیکج پر بھی بات چیت کی ہے اور پاکستان کو یقین دلایا ہے کہ دیسی ساختہ بموں کے مقابلے کےلئے برطانیہ پاکستان کے ساتھ ہے اس مقصد کےلئے پاکستان کو تربیت اور بم دھماکوں کے مقامات سے ملنے والے شواہد کے تجزیئے میں بھی مدد فراہم کریگا برطانوی وزیر دفاع نے کہاکہ یہ پیکج پاکستان کے ساتھ ہماری قریبی شراکت داری کا حصہ