میلبورن (مانیٹرنگ ڈیسک) بھارت اے کرکٹ ٹیم کے کپتان منیش پانڈے پر انٹرنیشنل کرکٹ کونسل (آئی سی سی) کے ضابطہ اخلاق کی خلاف ورزی کرنے پر میچ فیس کا 25 فیصد جرمانہ عائد کر دیا گیا۔ ٹاؤن ہل میں نیشنل پرفارمنس سکواڈ کے خلاف کھیلے گئے میچ میں بھارتی اے ٹیم کے کپتان منیش پانڈے نے آؤٹ دیئے جانے پر ایمپائر کے فیصلے پر برہمی کا اظہار کیا اور 10 سیکنڈ تک وکٹ پر ٹھہرے رہے۔ آئی سی سی نے واقع کا نوٹس لیتے ہوئے پانڈے کو آئی سی سی کے ضابطہ اخلاق کا مرتکب ٹھہرایا اور ان پر میچ فیس کا 25 فیصد جرمانہ عائد کیا۔

موضوعات:بھارتی کرکٹ ٹیم