اسلام آباد(نیوز ڈیسک)پاکستان کے متنازع دفاعی تجزیہ کار اور سخت موقف رکھنے کے حوالے سے مشہور مبصر زید حامد کو سعودی عرب میں بطور سزا اب تک 150کوڑے مارے جا چکے ہیں ۔یاد رہے کہ گزشتہ ماہ زید حامد اپنی اہلیہ کے ہمراہ سعودی عرب عمرے کی ادائیگی کیلئے گئے تھے جہاں انہیں یمن کے تنازعہ پر مدینہ منورہ میں ایک بلااجازت تقریب میں سعودی حکومت کو شدید تنقید کا نشانہ بنانے پر ایک شہری کی شکایت پر گرفتار کیا گیا تھا،سعودی قانون کے تحت حکومت کیخلاف تنقید کی سزا قید،جرمانہ،کوڑے مارنا یا ملک بدری ہے۔پاکستانی سفارتخانے نے ان تک رسائی کی کوشش کی تاہم حکومت نے اس کی اجازت نہیں دی اور موقف اختیار کیا کہ زید حامد دیگر مجرموں کی طرح ایک مجرم ہے۔