لاہور( آن لائن) پاکستان کرکٹ ٹیم کے سابق کپتان محمد یوسف نے مذہب کی بنیاد پر کھلاڑیوں کیساتھ امتیازی سلوک سے متعلق شعیب اختر کے بیان کو فضول قرار دیدیا ہے۔تفصیلات کے مطابق شعیب اختر کے پاکستان کرکٹ ٹیم میں مذہب کی بنیاد پر کھلاڑیوں کیساتھ امتیازی سلوک سے متعلق بیان پر شعیب اختر خاموش نہ رہ سکے۔
سماجی رابطے کی ویب سائٹ ٹوئٹر پر جاری ایک پیغام میں محمد یوسف نے کہا کہ میں پاکستان کرکٹ ٹیم میں مذہب کی بنیاد پر کھلاڑیوں کیساتھ امتیازی سلوک کے بیان کی مذمت کرتا ہوں۔ میں پاکستان کرکٹ ٹیم کا حصہ رہا ہوں اور مجھے ہمیشہ ٹیم، انتظامیہ اور مداحوں کی جانب سے بہت سا پیار اور حمایت ملی! پاکستان زندہ باد۔
