بیجنگ (این این آئی) پاکستانی فضائیہ کے تین جے ایف 17 تھنڈر لڑاکا طیارے کل(منگل سے) چین میں شروع ہونے والے پانچ روزہ ائرشو میں حصہ لینگے ،
غیرملکی خبررساں ادارے کے مطابق چینی وزارت دفاع کے ترجمان کرنل ووکین نے میڈیاسے بات چیت کرتے ہوئے کہاکہ ائرشوو میں چین کے جے 20 سٹلیتھ فائٹر طیارے پہلی مرتبہ اپنی دفاعی خصوصیات کا مظاہرہ کرینگے۔ انہوں نے بتایا کہ یہ ائر شو صوبہ گوانگ ڈونگ کے شہر زوہے میں یکم سے 6 نومبر تک منعقد ہو رہا ہے۔ نمائش میں جدید چینی ساختہ وائی ٹو ہیوی ٹرانسپورٹ طیارے کو بھی نمائش کے لئے سامنے لایا جا رہا ہے یہ طیارہ 200 ٹن وزن اٹھا کر اڑنے کی صلاحیت رکھتا ہے۔
