اسلام آباد(این این آئی)وزیر اعظم عمران خان  آج  کو اسلام آباد میں ٹائیگر فورس کے کنونشن سے خطاب کرینگے ۔ ذرائع کے مطابق وزیراعظم عمران خان اور معاون خصوصی عثمان ڈار کے درمیان رابطہ ہوا جس میں کنونشن کی تیاریوں اور ایس او پیز پر عملدرآمد کیلئے

اقدامات پر بات چیت کی گئی ۔وزیراعظم نے ایس او پیز پر مکمل عملدرآمد یقینی بنانے کی ہدایت کی ۔ دارالحکومت کے مختلف مقامات پر خیر مقدمی بینرز آویزاں کر دئیے گئے۔ پی ٹی آئی ذرائع کے مطابق نوجوانوں کی بڑی تعداد کے پیش نظر کنونشن سینٹر کے اوور فلو ہونے کا خدشہ ہے ،وزیراعظم کا خطاب کنوشن سینٹر کے اندر اور باہر بڑی اسکرینز پر دکھایا جائے گا،وزیراعظم اپنے خطاب میں نوجوانوں کی نئی ذمہ داریوں کا تعین کریں گے،نوجوانوں کو آئندہ کی حکمت عملی گائیڈ لائینز اور مکمل لائحہ عمل بتایا جائے گا،ٹائیگر فورس کی ذخیرہ اندوزی کی نشاندہی کیلئے مخصوص ٹاسک سونپے جانے کا امکان ہے ۔

موضوعات:وزیر اعظم عمران خان