لندن(نیوز ڈیسک)وزیر خزانہ اسحاق ڈار کا کہنا ہے کہ زرمبادلہ کے ذخائراٹھارہ ارب ڈالر سے زائد کرنے کا ہدف ہے۔ 2017تک 10ہزار میگاواٹ بجلی اضافی پیدا کرنا چاہتے ہیں۔وزیر خزانہ اسحاق ڈار نے ان خیالات کا اظہار برطانوی سرمایہ کاروں کے وفد سے لندن میں ملاقات میں کیا کیا۔ اجلاس میں آئی ایم ایف کے ساتویں جائزہ مذاکرات پر بریفنگ دی گئی۔اس موقع پر اسحاق ڈار کا کہنا تھا کہ معاشی ترقی کی شرح 7فیصد تک پہنچانے کا ہدف ہے۔آپریشن ضرب عضب کی کامیابی سے سرمایہ کاروں کا اعتماد بڑھ رہاہے۔لندن اسٹاک مارکیٹ کے وفد نے بھی وزیر خزانہ اسحاق ڈارسے ملاقات کی۔ ملاقات میں پاکستان کی معاشی صورت حال پر تبادلہ خیال کیا گیا۔