سرگودھا(این این آئی)سرگودھا شہر میں قتل ہونے والی 8 سالہ بچی کی پوسٹ مارٹم رپورٹ زیادتی اور شہ رگ کٹنے سے موت کے ساتھ جسم پر تشدد کے نشانات اور ہڈی ٹوٹ جانے کے انکشافات سے تفتیش میں تیزی آ گئی

جبکہ مرکزی ملزم پولیس مقابلہ میں مارا گیا اور دیگر ملزمان پولیس تفتیش میں ریمانڈ پر ہیں۔ زرائع کے مطابق سرگودھا شہر کے علاقہ بلاک 8 میں 8 سالہ طالبہ بچی کی کریانہ کی دوکان پر ہلاکت میں اس کی پوسٹ مارٹم رپورٹ میں اس کے ساتھ زیادتی کے شواہد کے ساتھ انکشاف ہوا کہ مقتولہ بچی کی موت شہ رگ کٹنے سے ھوئی جس کے سر چہرے اور جسم کے مختلف حصوں پر تشدد کے سات نشانات پائے گئے جبکہ بچی کی گردن کی ہڈی ٹوٹی ہوئی اور سر کے دائیں سائیڈ پر زخم پائے گے۔یاد رہے کہ اس قتل کے مقدمہ میں ملوث گرفتار چار ملزمان میں مرکزی کردار نوجوان ارسلان پولیس مقابلہ میں ہلاک ہو گیا جس کی ہلاکت کے بعد دیگر تین ملزمان پولیس تفتیش میں ریمانڈ پر زیر حراست ہیں

جبکہ اس کیس میں ڈی این اے میچ کے لیے نمونے لاہور لیبارٹری بھجوائے گئے ہیں جن کی رپورٹس آنے پر تفتیش کو تیز کر کے مزید قانونی تقاضے پورے کرنے میں پولیس متحرک نظر آ رہی ہے اور مقتولہ کے اہل خانہ پولیس کے تعاون اور تفتیش سے مطمئن ہیں جنہوں نے گزشتہ روز پولیس افسران سے ملاقات میں کئی پہلوؤں پر پولیس کی رہنمائی پر اطمینان کا اظہار کیا ہے۔