لاہور(مانیٹرنگ ڈیسک) پاکستان کرکٹ بورڈنے قومی ٹیم کے باؤلنگ کوچ مشتاق احمد کے معاملے پر خاموشی سے مٹی ڈالنا شروع کردی ، کئی دن گذرنے کے باوجود ابھی تک کوئی ایکشن نہیں لیا گیا۔تفصیلات کے مطابق ایجبسٹن ٹیسٹ کے دوران پاکستانی باؤلنگ کوچ مشتاق احمد نے الگ الگ کمروں میں قیام پذیر افتخار احمد اور رضوان احمد کو ایک کمرے میں بھیج کر دوسرا اپنی فیملی کو دیدیا تھا،آئی سی سی قانون کے تحت ہر کھلاڑی کا الگ کمرے میں رہنا ضروری ہے واقعہ کا علم جب بورڈ کو ہوا اس نے زیادہ اہمیت نہیں دی مگر میڈیا میں آنے کے بعد پی سی بی شہریار خان کو بھی بیان دینا پڑا کہ تحقیقات کروائینگے پی سی بی ذرائع کا کہنا ہے کہ بورڈ اس معاملے کو طول دینے یا تحقیقات کروانے کے حق میں نہیں ہے اور چیئرمین نے بھی صرف میڈیا کے دباؤ میں یہ بیان دیا تھا۔