ڈھاکا(آن لائن) بنگلہ دیش نے راولپنڈی ٹیسٹ کے لیے اپنی ٹیم کا اعلان کردیا۔ پاکستان کے خلاف ٹیسٹ میچ کے لئے بنگلہ دیشی ٹیم کا اعلان کردیا گیا ہے جس کے مطابق مومن الحق اپنی ٹیم کی قیادت کریں گے جب کہ تمیم اقبال کو بھی اسکواڈ کا حصہ بنایا گیا ہے۔پاکستان کے دورے پر آنے والے دیگر کھلاڑیوں میں

سیف حسن، نجم الحسن، محمود اللہ، محمد مٹھن، لٹن داس، تیج اسلام، نعیم حسن، عبادت حسین، ابوید چودھری، الامین حسین، روبیل حسن، ابوجاوید اورسومیا سرکار شامل ہیں۔بنگلہ دیش کی ٹیم 4 فروری کو ڈھاکہ سے راولپنڈی کے لیے اڑان بھرے گی جب کہ پاکستان اور بنگلہ دیش کے درمیان پہلا ٹیسٹ 7 فروری کو ہوگا۔