سڈنی( آ ن لائن) لاہور قلندرز کی دریافت تیز گیند باز حارث رئوف نے آسٹریلیا میں جاری بگ بیش ٹی ٹونٹی ٹورنامنٹ میں میلبورن سٹارز کی نمائندگی کرتے ہوئے ہوبارٹ کے خلاف میچ میں 5 کھلاڑیوں کو آئوٹ کیا۔26 سالہ حارث ان پانچ وکٹوں کے ساتھ ٹورنامنٹ میں سب سے زیادہ وکٹیں حاصل کرنے والے باولر بھی بن

گئے ہیں۔میچ میں عمدہ کارکردگی دکھانے پر حارث کو مین آف دی میچ کا ایوارڈ بھی دیا گیا ہے۔دوسری جانب سماجی رابطے کی ویب سائٹ ٹوئٹر پر حارث رئوف کی کارکردگی کو سراہا جا رہا ہے۔کرکٹ کی معروف ویب سائٹ نے قومی ٹیم کے کوچ و چیف سلیکٹر مصباح الحق کو مخاطب کرتے ہوئے حارث کی جانب توجہ دلائی ہے۔