کراچی (این این آئی) پاکستان اور سری لنکا کے درمیان سیریز کا دوسرا ٹیسٹ میچ 19دسمبر سے کراچی میں کھیلا جائیگا جس کیلئے پاکستانی ٹیم میں ایک تبدیلی متوقع ہے۔پاکستان اور سری لنکا کے درمیان راولپنڈی میں کھیلے گئے پہلے ٹیسٹ میچ کے ذریعے پاکستان میں 10 سال کے طویل عرصے کے بعد ٹیسٹ کرکٹ کی واپسی ہوئی تاہم یہ ٹیسٹ میچ بارش کے سبب ڈرا ہو گیا۔دونوں ٹیموں کے درمیان سیریز کا دوسرا ٹیسٹ میچ 19

دسمبر سے کراچی کے نیشنل کرکٹ اسٹیڈیم میں کھیلا جائے گا جس کیلئے پاکستانی ٹیم میں کم از کم ایک تبدیلی متوقع ہے۔پہلے ٹیسٹ میچ میں ڈیبیو کرنے والے عثمان شنواری بخار کی وجہ سے ہسپتال میں داخل ہیں جس کی وجہ سے ان کی دوسرے ٹیسٹ میچ میں شرکت مشکوک ہے۔اگر عثمان شنواری دوسرے ٹیسٹ میچ میں شرکت نہیں کر پاتے تو ان کی جگہ یاسر شاہ کو قومی ٹیم میں شامل کیا جائے گا۔