لاہو ر(این این آئی )پاکستان کرکٹ بورڈ نے سینٹرل کنٹریکٹ 2017ء کے لئے کھلاڑیوں کے نام شارٹ لسٹ کر لیے ، شاہد آفریدی اور سعید اجمل فارغ ،سرفراز احمد او رمحمد عامر کو شامل کرلیا گیا ۔ذرائع کے حوالے سے بتایا گیا ہے کہ پی سی بی نے سینٹرل کنٹریکٹ 2017ء کے لئے نام شارٹ لسٹ کیے ہیں جن میں ٹی ٹونٹی کے کپتان سرفراز احمد کو بی سے اے کیٹگری میں شامل کر لیا گیاہے ۔جبکہ محمد عامر کو 6سال بعد سینٹرل کنٹریکٹ میں شامل کیا جا رہا ہے ۔ذرائع کا کہنا ہے کہ شاہد آفریدی کو 10سال بعد سینٹرل کنٹریکٹ سے فارغ کیا گیا ہے جبکہ سعید اجمل کو بھی 6برس بعد فارغ کیا گیا ہے ۔