اسلام آباد (مانیٹرنگ ڈیسک) ویسٹ انڈیز اور انڈیا کے درمیان کھیلا جانے والا تیسرے ٹیسٹ میچ کے پانچویں روز میچ اس وقت شدید بدنظمی کا شکار ہو گیا جب بھارتی کھلاڑی روہیت شرما ویسٹ انڈیزکے کھلاڑی ڈیرن براوو کے پاس سے گزرے اور انہیں کچھ کہا جس کے جواب میں ڈیرن براوو نے روہیت شرما کو دھکا دیا ۔ اس ساری صورتحال کو دیکھتے ہوئے میچ کچھ دیر کے لئے روک دیا گیا جس کے بعد بھارتی کپتان ویرات کوہلی اور ایمپائرز کی مداخلت نے معاملہ رفع دفع کرایا۔ واضح رہے کہ گزشتہ روز بھی ڈیرن براوو اور روہیت شرما کے درمیان تلخ کلامی ہوئی تھی ۔