لندن(این این آئی) انگلش ٹیم کے نائب کوچ پال فاربریس نے تھرڈ امپائر سے تکرار کے جرم مین ایلکس ہیلز پر جرمانے کو جائز قرار دیدیا۔پال فاربریس کے مطابق کرکٹ جیسے کھیل میں کئی اتار چڑھاؤ آتے رہتے ہیں تاہم ہم کسی ایسے کھلاڑی کی حمایت نہیں کرسکتے جو فیصلے پر سوالات کرنے کیلئے تھرڈ امپائر کے کمرے میں ہی جاگھسے۔انگلش ٹیم کے نائب کوچ نے بتایا کہ ایلکس ہیلز فیصلے پر کتنے ہی پریشان کیوں نہ تھے، ان کو میچ کے دوران ہی بحث کرنے کا کوئی حق نہیں تھا،اس طرح کی حرکتوں سے کوئی فائدہ نہیں بلکہ بینک بیلنس کا نقصان ہی ہوتا ہے ٗآئی سی سی نے ان کے خلاف درست کارروائی کی۔