اسلام آباد(مانیٹرنگ ڈیسک)وہاب ریاض نے گیم اُلٹ دی،انگلینڈ شکست کی گہری کھائی میں، تفصیلات کے مطابق پاکستان اورانگلینڈ کے درمیان ہونے والے چوتھے کرکٹ ٹیسٹ میچ میں وہاب ریاض نے تباہ کن باؤلنگ کے ذریعے اچانک گیم الٹ دی اور انگلینڈ کی مزاحمت میں آخری کیل بھی ٹھونک دی، وہاب ریاض نے شاندار باؤلنگ کا مظاہرہ کرتے ہوئے 65ویں اوور کی پانچویں اور چھٹی گیند پر دو کھلاڑیوں کو آؤٹ کرکے سٹیڈیم میں انگلش شائقین کے دل توڑ دیئے،وہاب ریاض نے پہلے شاندار فیلڈنگ کا مظاہرہ کرتے ہوئے اپنی ہی گیند پر کرس ووکس کو رن آؤٹ کیا جبکہ دوسری گیند پر جانی بیرسٹو کو پویلین واپس بھیج دیا ،،انگلینڈ کو ابھی بھی پاکستان کی پہلی اننگز کی لیڈ ختم کرنے کیلئے پانچ رنز کی ضرورت ہے جبکہ اس کے آٹھ کھلاڑی آؤٹ ہوچکے ہیں۔