اوول (نیوزڈیسک) چوتھا ٹیسٹ،پاکستان کی اننگز کا اختتام، یونس خان کی ڈبل سنچری ،محمد عامر نے نیا ریکارڈ بنالیا، تفصیلات کے مطابق پاکستان کی پہلی اننگز کا اختتام ہوگیا ہے اور پوری ٹیم 146اوورز میں 542رنز بناکر آؤٹ ہوگئی ہے ، یونس خان 218،اسد شفیق109،اظہر علی49، یاسر شاہ 26مصباح الحق 15افتخار احمد4سرفرازاحمد44وہاب ریاض4سہیل خان 2رنز بناکر آؤٹ ہوئے جبکہ محمد عامر اپنے کیرئیر بیسٹ 39رنز پر ناٹ آؤٹ رہے۔پہلی اننگز کے اختتام پر پاکستان کی انگلینڈ پر لیڈ 214رنز کی ہوگئی ہے جبکہ انگلینڈ کو یہ 214رنز بنانے کے ساتھ ساتھ پاکستان کے لئے ٹارگٹ بھی سیٹ کرنا ہوگا۔ میچ پر پاکستان کی گرفت مضبوط ہوچکی ہے اورتوقع کی جارہی ہے کہ میچ میں پاکستان کامیابی حاصل کرے گا۔