اسلام آباد (مانیٹر نگ ڈیسک )انگلینڈ کے خلاف ون ڈے سیریز کےلئے عمر اکمل اور احمد شہزاد کو شامل نہ کئے جانے کا امکان ہے جبکہ جنید خان اور عمر گل کو ون ڈے کی تیاریوں کے لئے کیمپ میں بلایا جائے گا۔پاکستان اور انگلینڈکے درمیان پانچ ون ڈے میچز کی سیریز کا آغاز 24 اگست سے ہوگا۔سلیکشن کمیٹی کےذرائع کے مطابق انضمام الحق کی سربراہی میں قائم کمیٹی تین سے چار کھلاڑیوں کو انگلینڈ کے خلاف ون ڈے سیریز میں جگہ دینا چاہتی ہے۔
اسد شفیق کو ون ڈے میں کم بیک کرایا جائےگا جبکہ جنید خان، عمر گل، شرجیل خان اور بابر اعظم کو ون ڈے سیریز کی تیاریوںکے لئے کیمپ میں بلایا جائےگا جبکہ عمر اکمل اور احمد شہزاد پر ٹیم کے دروازے بدستور بند رہیں گے۔اس سلسلے میں چیف سلیکٹر کی کپتان اظہر علی اور کوچ مکی آرتھر سے مشاورت مکمل ہوگئی ہے۔ انگلینڈ کے خلاف ون ڈے سیریز کے لئے قومی ٹیم کا اعلان تین اگست سے شروع ہونے والے ایجبسٹن ٹیسٹ کے اختتام پر ہوگا۔