نئی دہلی (این این آئی)بھارت میں گرمی کا 146سالہ ریکارڈ ٹوٹ گیا ،1877کے بعد فروری کا مہینہ سب سے زیادہ گرم رہا۔بھارتی ٹی وی کے مطابق کے مطابق بھارت میں گرمی نے ماہِ فروری میں ہی لوگوں کو جھلسا کر رکھ دیا۔بھارت میں ماہِ فروری کی گرمی نے گزشتہ 146سال کا ریکارڈ توڑ دیا، محکمہ موسمیات نے بتایا کہ بھارت میں انیس سو ستتر کے بعد سے اس سال کا سب سے گرم مہینہ فروری رہا ہے۔محکمہ موسمیات کے مطابق فروری میں متعدد بھارتی شہروں کا اوسط زیادہ سے زیادہ درجہ حرارت بڑھ کر انتیس اعشاریہ پانچ ڈگری سلسیس ریکارڈ کیا گیا۔ایک ورچوئل پریس کانفرنس سے خطاب کرتے ہوئے آئی ایم ڈی کے ہائیڈرومیٹ اور ایگرومیٹ ایڈوائزری سروسز کے سربراہ ایس سی بھان نے کہا کہ مارچ میں گرمی کی لہروں کا بہت کم امکان ہے، لیکن ملک کے بیشتر حصوں میں اپریل اور مئی میں انتہائی موسمی حالات کا سامنا کرنا پڑ سکتا ہے۔

موضوعات:بھارت میں گرمی