کراچی (این این آئی)پولیس نے نارتھ کراچی کے اطراف کی سڑکوں پر نازیبا حرکت کرنے والا اوباش نوجوان کو پکڑ لیا۔نارتھ کراچی کے اطراف کی سڑکوں پر اوباش شخص کی ویڈیو وائرل ہونے کے معاملے میں پیش رفت ہوئی ہے، چلتی موٹر سائیکل پر انتہائی نازیبا حرکات کرنے والے شخص کو گرفتار کر لیا گیا، گرفتار اوباش شخص ٹریفک پولیس کے افسر کا بیٹا نکلا ہے۔ ایس ایس پی سینٹرل ذیشان صدیقی کے مطابق ملزم حمزہ کا والد مبینہ طور پر ٹریفک پولیس میں انسپکٹر ہے، گلبرک پولیس نے ملزم کے قبضے سے موٹر سائیکل بھی برآمد کرلی۔
ملزم کی موٹرسائیکل پر نا پیچھے نا آگے نمبر پلیٹ تھی جبکہ چہرے پر ماسک تھا، فوٹیج میں پینٹ ٹی شرٹ اور چپل پہنے کر اوباش شخص کو دیکھا جاسکتا ہے۔کار سوار نے سڑک پر نازیبا حرکت کرتے شخص کی ویڈیو بنالی، شہری موٹرسائیکل سوار کا کافی دور تک پیچھا کرتا رہا موٹرسائیکل سوار اوباش شخص مستقل اپنے کام میں مصروف رہا۔سڑک پر خواتین بچے جوان اوباش شخص کی حرکات دیکھتے رہے، ایس ایس پی سینٹرل ذیشان صدیقی نے کہا کہ پولیس کی جانب سے ملزم کے خلاف مذید قانونی کارروائی جاری ہے۔
