لاہور(این این آئی) جہانگیر خان ترین گروپ کے رہنما نذیر چوہان کو دل کی تکلیف کے باعث پنجاب انسٹیٹیوٹ آف کارڈیالوجی لاہورمیں داخل کر لیا گیا۔نجی ٹی وی کے مطابق جہانگیر خان ترین گروپ کے رہنما نذیر چوہان کو دل کی تکلیف کے باعث پنجاب انسٹی ٹیوٹ آف کارڈیالوجی
لایاگیا جہاں مختلف ٹیسٹوں کے بعد انہیں داخل کرلیاگیا۔پولیس انتظامیہ نے نذیرچوہان کو ہسپتال منتقل کیا، نذیرچوہان نے شہزاد اکبر سے معافی مانگ لی۔ کہتے ہیں میرے بیان سے شہزاد اکبر کی دل آزاری ہوئی تومعذرت خواہ ہوں،پی ٹی آئی رکن پنجاب اسمبلی مختلف مقدمات میں گرفتار ہیں۔علاوہ ازیں جہانگیر ترین گروپ کے رکن اسمبلی نذیر چوہان کی جانب سے معذرت کے بیان کے بعد وزیر اعظم کے مشیر داخلہ واحتساب شہزاداکبر نے پنجاب انسٹی ٹیوٹ آف کارڈیالوجی میں زیرعلاج نذیرچوہان سے رابطہ کرکے ان کی خیریت دریافت کی۔نجی ٹی وی نے ذرائع کے حوالے سے بتایا ہے کہ صوبائی وزیر جیل خانہ جات فیاض الحسن چوہان نے دونوں کے درمیان رابطے میں اہم کرداراداکیا۔ایف آئی اے کی جانب سے درج مقدمے میں جوڈیشل ریمانڈ پر جیل بھجوائے گئے نذیر چوہان کو دل کی تکلیف کے باعث پنجاب انسٹی ٹیوٹ آف کارڈیالوجی داخل کرایا گیا ہے جہاں سے انہوں نے اپنا وضاحتی ویڈیو بیان جاری کیا جس میں انہوں نے غلط فہمی کی بناء پر دئیے گئے اپنے بیان پر شہزاد اکبر سے معذرت بھی کی ۔
