لاہور(این این آئی)جہانگیر ترین گروپ کے گرفتار رکن اسمبلی نذیر چوہان کے خلاف ایک اور مقدمہ درج کئے جانے کا امکان ہے۔ ذرائع کے مطابق پولیس اور ایف آئی اے کے بعداینٹی کرپشن بھی متحرک ہو گیا۔اینٹی کرپشن نے نذیر چوہان کے خلاف ریکارڈ اکٹھا کرنا شروع کر دیاہے اور نذیر چوہان کے خلا ف گلبرگ میں پراپرٹی کا ریکارڈ حاصل کرنے کی کوشش کی جارہی ہے۔ذرائع کے مطابق اشرفی ٹاؤن سے الکریم سٹی میں تبدیل سوسائٹی کا ریکارڈ لینے کی کوشش کی گئی ہے اور اس سلسلہ میں اینٹی کرپشن ٹیمیں ایل ڈی اے میں پراپرٹی ریکارڈ لینے گئی ہیں۔بتایا گیا ہے کہ ایل ڈی اے افسران نے از خود پلازہ اور سوسائٹی کی دوبارہ سکروٹنی شروع کر دی ہے۔