لاہور(این این آئی) مسلم لیگ (ن) کا عید کے بعد حکومت کو ٹف ٹائم دینے کا فیصلہ، صدر مسلم لیگ (ن) شہباز شریف کی پارٹی کے سینئر رہنماں سے مشاورت جاری ہے۔ مشاورت میں حکومتی ناکامیوں کو اجاگر کرنے پر اتفاق کیا گیا۔نجی ٹی وی کے مطابق شہباز شریف نے اپوزیشن سے رابطوں کے لیے لیگی رہنماوں کو ٹاسک سونپ دیا۔ جمعیت علمائے
اسلام کے سربراہ مولانا فضل الرحمان سے شہباز شریف خود رابطہ کریں گے۔بلوچستان کی اپوزیشن جماعتوں سے شاہد خاقان عباسی اور خواجہ آصف رابطہ کریں گے۔ سندھ کی قوم پرست جماعتوں سے مفتاح اسماعیل،سعد رفیق اور ایاز صادق رابطہ کریں گے۔ کے پی کی اپوزیشن جماعتوں سے انجینئر امیر مقام،جاوید عباسی اور عباس آفریدی رابطہ قائم کریں گے۔مسلم لیگ (ن) پارٹی سطح پر بھی حکومت کے خلاف احتجاج کرے گی۔ جبکہ بڑے شہروں کے ساتھ ساتھ ڈسٹرکٹ سطح پر بھی احتجاج کرے گی۔دوسری جانب تر جمان پنجاب حکومت، بانی ممبرپی ٹی آئی ڈاکٹر شاہد صد یق خان نے کہ ہے کہ زرداری اور نواز نے ملک کو ذاتی جاگیر کی طرح چلایا، ماضی کی من پسند تعیناتیوں کی وجہ سے ادارے تباہ ہوئے ،عوام کی خوشحالی حکومت کی اولین ترجیح ہے،وزیر اعظم عمران خان اپنی ذات نہیں بلکہ ملک وقو م کی ترقی وخوشحالی کیلئے کام کر رہے ہیں۔اپنے جار ی بیان میں انہوں نے کہاکہ احتساب سے توجہ ہٹانے کی
کوشش کر نیوالوں کو بھی ناکامی کے سواکچھ نہیں ملے گاکر پشن کا خاتمہ اور شفاف احتساب ملک وقوم کے لئے لازم ہے کر پشن کر نیوالے سزا سے بچ نہیں سکیں گے۔انہوں نے کہاکہ عید پر بھی کورونا سے بچائو کیلئے کاروباری حضرات سمیت معاشرے کے تمام طبقات کو چاہیے کہ وہ ایس او پیز پرعمل کر یں تاکہ کورونا کی وبا سے نجات حاصل کر سکیں۔
