ممبئی (نیوز ڈیسک)بالی ووڈ اداکار اکشے کمار کی ایک ٹانگ فلم سنگھ از بلنگ کی شوٹنگ کے دوران جل گئی۔بھارتی میڈیا کے مطابق اکشے کمار فلم کے گانے ”ٹنگ ٹنگ باجے“ کی عکسبندی کروارہے تھے اور اس دوران انہوں نے تار سے بنے ایک دائرے جسے آگ لگائی گئی تھی جس میں سے چھلانگ لگاکر گزرنے لگے تو ان کی ٹانگ جل گئی۔ انہیں فوری طور پر طبی امداد دی گئی اور اس کے بعد انہوں نے دوبارہ عکسبندی شروع کردی۔ابھودیوا کی ہدایتکاری میں بنائی جانے والی فلم 2 اکتوبر کو ریلیز ہوگی۔واضح رہے کہ اداکاراکشے کے بارے میں مشہور ہے کہ وہ اپنی فلم کے تمام سٹنٹ خود کرتے ہیں جبکہ دیگر اداکار اس طرح کے سٹنٹ خود نہیں کرتے اور خصوصی افراد سے یہ سین کرواتے ہیں۔