نئی دہلی(نیوز ڈیسک) بھارتی فلم انڈسٹری کے سٹار اداکار سلمان خان کے بار ے میں یہ کہا جاتاہے کہ وہ جو کہتے وہ کر کے بھی دکھاتے ہیں اور خاص طور پر جب بات ان کے قریبی دوستوں کی آ جائے تو پھر وہ دوستی کا حق ادا کرنے میں یہ اپنوںکو خوش کرنے میں کوئی کسر نہیں چھوڑتے۔ اطلاعات کے مطابق سلمان خان جنہیں بالی ووڈ میں دبنگ خان کے نام سے بھی جانا جاتا ہے ، ان دنوںاپنی ایک سینئرساتھی اداکارہ کی نئی فلم کو پروموٹ کرنے میں لگے ہوئے ہیں۔سیاست اور اداکاری دونوں کے شعبے سے وابستہ اداکاربینا نے ماضی میں سلمان خان کے ساتھ فلم’میں نے پیار کیوں کیا‘ میںکام کیا تھا جس میں انہوں نے سلمان خان کی ماں کا کردار نبھایا تھا۔ اس فلم کے بعد سے ہی سلمان خان کے بیا کے ساتھ اچھے تعلقات قائم ہیں اور بیا کی نئی فلم ’جاں نثار ‘کی پروموشن کے لئے جو کچھ ہی دنوں میںریلیز ہونے والی ہے ، سلمان خان بیا کی مدد کر رہے ہیں۔ سلمان خان نے اپنے ٹوئٹر اکائنٹ پر مداحوں سے یہ درخواست کی ہے کہ وہ یہ فلم ضرور دیکھنے جائیں۔ اطلاعات کے مطابق بالی ووڈ کی نئی فلم جاں نثار میں1857ئ میں ہونے والی جنگ آزادی کے حوالے سے کہانی بیان کی گئی ہے اور یہ فلم7اگست 2015 کو بھارتی سینما گھروں کی زینت بنے گی۔اس فلم کو مظفر علی نے ڈائریکشن دی ہیں جبکہ دوسرے اداکاروں میںعمران عباس اور پرنیا قریشی بھی شامل ہیں۔فلم بینوں کا اس حوالے سے کہنا ہے کہ یہ فلم بالی ووڈ کی بہترین فلموں میں سے ایک ہو گی اور اس فلم کی کامیابی کے بہت روشن امکانات ہیں