پیر‬‮ ، 15 دسمبر‬‮ 2025 

پہلی بار ستار و ں کی پیدائش کا براہ راست مشاہدہ

datetime 5  اپریل‬‮  2015 |

اسلام آباد (نیوز ڈیسک )فلکیات دانوں نے ریڈیو دوربین سے لی جانے والی دو تصاویر کی مدد سے ایک بھاری ستارے کی پیدائش کے 18 سال پر محیط اہم مرحلے کا مشاہدہ کیا ہے۔یہ ستارہ زمین سے 4200 نوری سال کے فاصلے پر واقع ہے اور اس کے گرد ایک دائروی شکل کا دھول کا غبار موجود ہے۔یہ غبار ستارے سے خارج ہونے والی گرم گیس کی رفتار کو سست کر دیتا ہے، جس سے ایک ستون نما شکل وجود میں آتی ہے۔نئے مشاہدے میں اس ستون کی تشکیل کے ’عمل سے پہلے اور عمل کے بعد‘ کی تصاویر لی گئیں۔یہ تصاویر امریکی ریاست نیو میکسیکو کے ایک صحرا میں نصب ’ویری لارج ارے‘ نامی ایک دوربین سے لی گئیں اور انھیں جریدے ’سائنس‘ میں شائع کیا گیا۔نیشنل آٹانومس یونیورسٹی آف میکسیکو سے تعلق رکھنے والے تحقیق کے پہلے مصنف کارلوس کراسکو گونسالس نے کہا: ’دونوں تصاویر کا تقابل قابلِ ذکر ہے۔‘ انھوں نے کہا کہ 1996 میں دیکھی جانے والی گول ہوا صرف 18 سال بعد 2014 میں ایک واضح لمبوتری شکل اختیار کر چکی ہے۔2014کی تصویر میں یہ دکھائی دے رہا ہے کہ غبار اب بہت لمبوترا ہو گیا ہےیہ ننھا ستارہ سورج سے تین سو گنا زیادہ روشن ہے اور اس کا نام W75N(B)-VLA2 ہے۔تحقیق کے ایک اور مصنف نیدرلینڈز کی لیڈن یونیورسٹی کے پروفیسر ہیوب فان لانگفیلڈ کہتے ہیں کہ کسی ستارے کی پیدائش کے ڈرامائی عمل کا مشاہدہ بہت انوکھا ہے۔انھوں نے کہا: ’یہ ستارہ ہمیں اگلے چند برسوں میں ستارے کی تشکیل کے عمل کی زبردست جھلکیاں فراہم کرے گا۔‘تصاویر کے مشاہدے سے یہ بھی معلوم ہوا کہ ستارے سے خارج ہونے والی گیس کا ستون اس کے مقناطیسی میدان کے متوازی ہے۔ اس سے معلوم ہوتا ہے کہ مقناطیسی میدان ستارے کی تشکیل میں اہم کردار ادا کرتا ہے۔تحقیق میں شامل ایک اور سائنس دان ڈاکٹر گیبریئل سورسس کہتے ہیں: ’ہمارے پاس سورج جیسے ستاروں کے مقابلے پر بھاری ستاروں کی تشکیل کے عمل کے بارے میں زیادہ معلومات نہیں ہیں۔ یہ عمل ہمیں اس بات کا موقع فراہم کرتا ہے کہ ہم یہ ساری تبدیلیاں اپنی آنکھوں سے دیکھیں۔‘

آج کی سب سے زیادہ پڑھی جانے والی خبریں


کالم



ویل ڈن شہباز شریف


بارہ دسمبر جمعہ کے دن ترکمانستان کے دارالحکومت…

اسے بھی اٹھا لیں

یہ 18 اکتوبر2020ء کی بات ہے‘ مریم نواز اور کیپٹن…

جج کا بیٹا

اسلام آباد میں یکم دسمبر کی رات ایک انتہائی دل…

عمران خان اور گاماں پہلوان

گاماں پہلوان پنجاب کا ایک لیجنڈری کردار تھا‘…

نوٹیفکیشن میں تاخیر کی پانچ وجوہات

میں نریندر مودی کو پاکستان کا سب سے بڑا محسن سمجھتا…

چیف آف ڈیفنس فورسز

یہ کہانی حمود الرحمن کمیشن سے شروع ہوئی ‘ سانحہ…

فیلڈ مارشل کا نوٹی فکیشن

اسلام آباد کے سرینا ہوٹل میں 2008ء میں شادی کا ایک…

جنرل فیض حمید کے کارنامے(آخری حصہ)

جنرل فیض حمید اور عمران خان کا منصوبہ بہت کلیئر…

جنرل فیض حمید کے کارنامے(چوتھا حصہ)

عمران خان نے 25 مئی 2022ء کو لانگ مارچ کا اعلان کر…

جنرل فیض حمید کے کارنامے(تیسرا حصہ)

ابصار عالم کو 20اپریل 2021ء کو گولی لگی تھی‘ اللہ…

جنرل فیض حمید کے کارنامے(دوسرا حصہ)

عمران خان میاں نواز شریف کو لندن نہیں بھجوانا…