اسلام آباد (این این آئی)وزیراعظم عمران خان نے ملک کے بڑے صنعتی شہروں کو بڑی مراعات دینے کا فیصلہ کرلیا ا س حوالے سے فیصل آباد کے بعد سیالکوٹ کیلئے بھی تاریخی پیکج دینے کی منظوری دیدی گئی ،وزیراعظم سیالکوٹ کے لئے اربوں روپے کے پانچ میگا پراجیکٹس کا اعلان کریں گے۔
وزیراعظم (آج) بدھ کوعثمان ڈار کی دعوت پر سیالکوٹ کا اہم ترین دورہ کریں گے،وزیراعظم سیالکوٹ کے لئے نجی ایئرلائن،ائرسیال کا افتتاح بھی کریں گے ،نجی ایئرلائن کے علاوہ سیالکوٹ کیلئے 5 میگا پراجیکٹس کا اعلان کریں گے،سیالکوٹ کے لاکھوں شہریوں کے لئے واٹر فلٹریشن منصوبے کا افتتاح ہوگا،شہر میں ٹریفک مسائل کے حل کے لئے روڈز اینڈ سگنل ری انجینئرنگ منصوبے کا سنگ بنیاد رکھیں گے،سیالکوٹ میں پانچ بڑے گرین پارکس بھی وزیراعظم ترقیاتی پیکج میں شامل ،سیالکوٹ میں اسٹوریج سسٹم کی ری انجنئرنگ بھی منصوبوں میں شامل ہیں ۔عثمان ڈار نے کہاکہ وزیراعظم عمران خان کے منصوبے سیالکوٹ شہر کی تقدیر بدل دیں گے ،ترقیاتی پیکج کی منصوبہ بندی ویڑن 2050 پلان کے پیش نظرکی گئی ۔عثمان ڈارنے کہاکہ سیالکوٹ سے ڈھائی ارب ڈالر کی ایکسپورٹ کی جاتی ہے، سیالکوٹ 10 ارب سے زیادہ ٹیکس دینے والا شہر ہے۔
