لاہور( این این آئی)پنجاب پولیس نے صحافی ،یوٹیوبر عمران ریاض خان کو لاہور ایئر پورٹ سے گرفتار کر لیا۔عمران ریاض خان سعودی عرب کیلئے روانہ ہو رہے تھے تاہم لاہور ایئر پورٹ پر پنجاب پولیس نے انہیں گرفتار کیا۔عمران ریاض خان کو کس مقدمہ میں گرفتار کیا گیا تاحال اس کی معلومات سامنے نہیں آ سکیں۔
صحافی عمران ریاض کے وکیل میاں اظہر صدیق نے گرفتاری کی تصدیق کرتے ہوئے بتایا کہ وہ حالت احرام میں سعودی عرب جا رہے تھے ان کے ہمراہ دیگر ساتھیوں سمیت ان کے ذاتی وکیل میاں علی اشفاق بھی موجود تھے۔ اظہر صدیق نے بتایا کہ عمران ریاض کو سادہ کپڑوں میں ملبوس افراد نے گرفتار کیا، پولیس نے بغیر ورانٹ گرفتاری کے گاڑی سے اتار کر لے گئی اور کسی نئے مقدمے کا ذکر بھی نہیں کیا۔
