برسلز(این این آئی)یورپی کمیشن نے کہاہے کہ ڈیٹا پروٹیکشن کے قانون پر عملدرآمد شروع ہونے کے بعد آٹھ ماہ میں یورپی یونین کے رکن ممالک میں مجموعی طور پر پچانوے ہزار شکایات درج کرائی جا چکی ہیں۔غیرملکی خبررساں ادارے کے مطابق ان شکایات کے نتیجے میں متعلقہ کمپنیوں اور اداروں پر

تین واقعات میں پابندیاں عائد کی جا چکی ہیں۔ پچھلے ہفتے ہی فرانس کی ریگولیٹری اتھارٹی نے گوگل پر پچاس ملین یورو کا جرمانہ عائد کیا تھا۔ یورپی کمیشن کے نائب صدر فرانس ٹمرمینز کا اس بارے میں جمعے کو کہنا تھا کہ پہلے کے مقابلے میں اب شہری اپنے حقوق کے حوالے سے زیادہ آگہی رکھتے ہیں۔

موضوعات:یورپی کمیشن