اسلام آباد(آن لائن) وزیراعظم عمران خان نے وزرا ء کو”آل از ویل“کا پیغام دیتے ہوئے کہا ہے کہ تحریک عدم اعتماد پر کسی کو گھبرانے کی ضرورت نہیں ہے۔وزیراعظم عمران خان کی زیر صدارت پارٹی ترجمانوں کے اجلاس میں پیکا آرڈیننس پر تنقید کو بلاجواز قرار دیتے ہوئے کہا گیا ہے کہ الیکٹرانک کرائم پر صدارتی آرڈیننس لانے سے کسی کی عزت کو اچھالا نہیں جاسکے گا۔
وزیراعظم کی زیر صدارت پارٹی رہنماؤں اور ترجمانوں کا اجلاس منعقد ہوا جس میں دورہ روس سے متعلق بریفنگ دی گئی۔ اجلاس میں بتایا گیا کہ خطے کی موجودہ صورتحال میں دورہ روس انتہائی اہمیت کا حامل ہے اور اس دورے سے پاکستان سمیت خطے پر اثر پڑے گا، روس اور پاکستان کے درمیان معاہدوں سے معاشی بہتری آئے گی۔ ذرائع کے مطابق اجلاس میں الیکٹرانک کرائم ایکٹ پر بھی تبادلہ خیال کیا گیا۔ اجلاس میں شرکاء نے پیکا آرڈیننس پر تنقید کو بلاجواز قرار دے دیا اور کہا کہ الیکٹرانک کرائم سے متعلق صدارتی آرڈیننس لانے سے کسی کی عزت کو اچھالا نہیں جاسکے گا۔ اس موقع پر وزیراعظم عمران خان نے کہا کہ بدقسمتی سے اسلامی معاشرے کی عکاسی مغربی ممالک میں ملتی ہے، جان بوجھ کر پاکستان میں اخلاقیات کو تباہ کرنے کی کوشش کی گئی۔در یں اثناء وزیراعظم کی زیرصدارت ترجمانوں کا اجلاس ہوا جس کی اندرونی کہانی سامنے آگئی ہے۔ ذرائع کے مطابق اجلاس میں تحریک عدم اعتماد کے علاوہ وزیراعظم، وزرا اور حکومتی شخصیات کی کردارکشی کی مہم پر گفتگو کی گئی اور اس حوالے سے زیرو ٹالرنس پالیسی بنانے پر اتفاق کرتے ہوئے مہم میں ملوث عناصر کے خلاف قانونی کارروائی کا فیصلہ کیا گیا۔ذرائع نے بتایا کہ وزیراعظم عمران خان کے زیرصدارت حکومتی ترجمانوں کے اجلاس میں حکومت کی کردارکشی کی
مہم میں ملوث عناصر کیخلاف پاکستان اور برطانیہ میں مقدمات درج کرانے کا فیصلہ کیا گیا ہے۔ذرائع کے مطابق وزیراعظم نے بھی کارروائی کے لیے گرین سگنل دے دیا ہے، اس حوالے سے حکومت پاکستان اور برطانیہ میں کیسز دائر کرے گی، حکومتی شخصیات یا متعلقہ وزرا قانونی کارروائی کا ا?غاز کریں گے۔ملکی سیاسی صورتحال
پر وزیراعظم نے ترجمانوں کو ا?ل از ویل کا پیغام دیتے ہوئے کہا ہے کہ تحریک عدم اعتماد پر کسی کو گھبرانے کی ضرورت نہیں، اب اپوزیشن سے بھی کہتا ہوں کہ وہ بھی نہ گھبرائے۔ذرائع نے بتایا کہ اجلاس میں وزیراعظم عمران خان نے بعض وفاقی وزرا کی ٹاک شوزمیں عدم شرکت کا نوٹس لیتے ہوئے وزرا کو ہدایت کی وہ ٹاک شوز میں جاکر حکومتی پالیسیوں کا دفاع کریں جب کہ اچھی کارکردگی کا مظاہرہ کرنے والے وزرا کی تعریف بھی کی۔
