لاہور (نیوز ڈیسک) بالی ووڈ اداکارہ آسن نے اعلان کیا ہے کہ وہ عنقریب مائیکرومیکس نامی کمپنی کے مالک راہول شرما سے شادی کریں گی۔ اس جوڑی کو ایک کروانے میں آسن کے ہمراہ کام کرنے والے اداکار اکشے کمار نے اہم کردار کیا ہے۔تامل فلموں کی اداکارہ جنہیں عامر خان کے ہمراہ فلم گجنی میں کردار سے شہرت ملی، کہتی ہیں کہ وہ اس شادی کی تیاریاں دو برس سے چپکے چپکے کررہی تھیں۔ بالی ووڈ اس اچانک اطلاع پر آسن کو چھپی رستم قرار دے رہا ہے۔تفصیلات کے مطابق اداکارہ آسن نے اعلان کیا ہے کہ وہ جلد شادی کرنے والی ہیں۔ ان کے جیون ساتھی مائیکرومیکس کے سربراہ راہول شرما ہیں۔ راہول شرما اکشے کمار کے گہرے دوست ہیں۔ اکشے کمار نے ان کی کمپنی کیلئے اہلیہ و اداکارہ ٹوئنکل کھنہ کے ہمراہ بطور برانڈ امبیسڈر کے بھی کام کیا ہے۔ اکشے کمار اور آسن اس وقت گہرے دوست بنے جب دونوں نے ایک ساتھ فلم کھلاڑی786میں کام کیا۔ یہیں سے دونوں کے مابین دوستی بڑھی اور اکشے نے اپنے دو گہرے دوستوں کو ایک کرنے کا فیصلہ کرلیا۔آسن ان دنوں فلم آل از ویل میں اداکار ابھیشک بچن کے ہمراہ کام کررہی ہیں۔ انکا کہنا ہے کہ وہ جلد ہی تمام پروجیکٹس مکمل کروا دیں گی تاہم اپنی نجی زندگی کو مکمل توجہ دے سکیں۔ دلچپسپ امر یہ ہے کہ آسن نے انکشاف کیا ہے کہ وہ دو برس قبل سے ہی شادی کی تیاریاں کررہی تھیں، اسی لئے انہوں نے کوئی بھی نیا پروجیکٹ سائن کرنا چھوڑ رکھا تھا، تاہم اس بارے میں انہوں نے کسی کو بھی آگاہ نہیں کیا تھا۔