لاہور( این این آئی)پاکستان انٹر نیشنل ائیر لائنز کی جانب سے روایت کے مطابق دوران پرواز کرسمس کا تحفہ دیا گیا ،اسلام آباد سے کراچی جانے والی پرواز میں سانتا کلاس کے روپ میں مسیحی سینئر پرسر نے مسافروں کو تحائف دیئے جبکہ
بچوں میں چاکلیٹس تقسیم کی گئیں۔گزشتہ چند سالوں سے پی آ ئی اے کی جانب سے اپنے مسافروں کو سرپرائیز پیش کیے جانے کا سلسلہ جاری ہے۔ پی آئی اے نے اس با ر بھی اپنے مسافروں کو سرپرائیز دیتے ہوئے کرسمس کا تحفہ دیا۔پی آئی اے کی پرواز میں کرسمس کی خوشیوں سے وفاقی وزیر امین الحق سمیت رکن قومی اسمبلی قادر پٹیل ،نفیسہ شاہ بھی خوشگوار حیرت میں مبتلا ہو گئیں اوربہت محظوظ ہوئے ۔سی ای او ائیر مارشل ارشد ملک نے کہا کہ پی آئی اے نے ثابت کیا کہ وہ واقعی قومی ائیرلائن ہے جو تمام مذاہب کے ماننے والوں کو خوش آمدید کہتی ہے، عوامی نمائندگان پی آئی اے مسیحی بھائیوں کی خوشیوں میں شریک ہیں،پی آئی اے تمام مکاتب فکر کی ضروریات کے مطابق پروازیں چلا رہا ہے ،پی آئی اے سب کی ائیر لائن ہے اور تمام پاکستانیوں کا اثاثہ ہے ۔
