اسلام آباد (این این آئی)سابق کپتان انضمام الحق نے کہا ہے کہ تمام آسٹریلوی بولرز نے بابر اعظم پر اٹیک کرنا ہے اور ورلڈ کپ میں ہماری اسٹرینتھ اوپننگ جوڑی ہے۔ ایک انٹرویومیں انضمام الحق نے کہا کہ سب کو اپنے ذہن سے یہ نکالنا ہو گا کہ سیمی فائنل ہے یا فائنل ہے، یہ نہ سوچیں حریف آسٹریلیا ہے یا کون ہے۔انضمام الحق نے کہا کہ ٹیم نے بہت اچھی کرکٹ کھیلی ہے اور آگے بھی پاکستان ٹیم کو اپنے مومنٹم کو برقرار رکھنے کی ضرورت ہے۔اْنہوں نے کہا کہ ہماری اوپننگ جوڑی ٹورنامنٹ میں اچھا آغاز دے رہی ہے، اسپنرز بہت اچھا کردار ادا کر سکتے ہیں۔سابق کپتان نے کہا کہ بابر اور رضوان کا آغاز اچھا ہے لیکن اسٹرائیک ریٹ کچھ کم ہے جس پر مجھے اعتراض ہے۔انضمام الحق نے کہا کہ ساری ٹیمیں پاکستان آ کر کھیلیں گی۔