کوئٹہ (این این آئی)پشتونخوا ملی عوامی پارٹی (میپ)نے رہنما عثمان خان کاکڑ کی شہادت پر احتجاجی تحریک چلانے کا فیصلہ کرلیا جس کے تحت صوبے کے مختلف اضلاع وعلاقوں میں احتجاجی مظاہرے اور جلسے وجلوسوں کا انعقاد کیا جائے گا۔پشتونخوا میپ کے اعلامیے کے مطابق جمعہ 9جولائی کو موسیٰ خیل میں احتجاجی مظاہرہ ہوگا ، اسی طرح 11جولائی کوضلع شیرانی ، 12جولائی کو ڑوب ، 13جولائی کو قلعہ سیف اللّٰہ ، 14جولائی کو لورالائی ،15جولائی کو دکی ، 16جولائی کو سنجاوی اور 17جولائی کوہرنائی جبکہ باقی علاقوں کے شیڈول کا اعلان بعد میں کیا جائیگا۔اعلامیے میں کہا گیا کہ خیبرپشتونخوا ، سندھ ، اسلام آباد اور پنجاب میں احتجاجی مظاہروں کا شیڈول جلد جاری کردیا جائے گا۔