واشنگٹن (این این آئی)فائزر اور موڈرنا کی کوروناویکسین کے ساتھ کچھ افراد کو دل میں سوجن کا خطرہ بھی ہوسکتا ہے۔میڈیارپورٹس کے مطابق امریکا میں دوائوں کے ضابطہ کار ادارے ایف ڈی اے نے خبردار کر دیا تاہم کہاکہ یہ رسک محدود ہے۔امریکا میں تیس کروڑ ویکسین لگائی جا چکی ہیں جن میں سے صرف بارہ سو افراد میں مائیوکارڈائی ٹس اور پیری کار ڈائی ٹس کی بیماریاں سامنے آئیں۔واضح رہے کہ کوویکس کی جانب سے پاکستان کو موڈرنا ویکسین کی 25 لاکھ ڈوز مفت ملیں گی، موڈرنا ویکسین کی پہلی کھیپ ایک سے دو ہفتوں میں پاکستان پہنچے گی۔