بیجنگ۔۔۔۔۔ چین نے پاکستان کو اہم جنگی ٹینک ’ وی ٹی فور‘ فراہم کرنے کی ہامی بھر لی ہے۔چینی میڈیا کے مطابق پاکستان نے چین سے اس کے اہم اور مرکزی جنگی ٹینک وی ٹی فور کو خریدنے کی درخواست کی تھی۔ وی ٹی فور ٹینک چین کے مرکزی جنگی ٹینک ایم بی ٹی 3000 کا برا مدی ورژن ہے اور یہ روس وامریکا کے جدید ترین ٹینکوں کا ہم پلہ ہے اس کی 125 ایم ایم بور کی گن دنیا کے کسی بھی ٹینک سے بڑی ہے۔رپورٹ کے مطابق پاکستان کے حریف بھارت نے روس کی طرف سے ٹی 90جنگی ٹینک حاصل کیے جس کے بعد پاکستان کو وی ٹی فور جیسے مزید جنگی ٹینکوں کی اشد ضرورت تھی۔