اسلام آباد (این این آئی)این ڈی ایم اے کے نیشنل ایمر جنسیز آپریشن سینٹر نے ملک کے مختلف علاقوں میں سموگ کی ممکنہ صورتحال پر الرٹ جاری کر دیا جس کے مطابق ملک میں بڑھتی ہوئی سموگ کی صورتحال کے باعث متعدد شہروں میں ٹریفک کی روانی متاثر ہونے کا امکان ہے ۔رپورٹ کے مطابق پنجاب میں لاہور، فیصل آباد، ملتان، بہاولپور، سیالکوٹ، گوجرانوالہ اور شیخوپور میں دھند /سمو گ میں شدید اضافہ متوقع ہے۔

راولپنڈی، اسلام آباد سمیت خیبر پختونخواکے متعدد علاقوں اور سندھ کے بالائی علاقوں میں بھی دھند میں شدید اضافہ متوقع ہے۔20 دسمبر تک رات اورعلی الصبح کے اوقات میں دھند کے باعث حد نگاہ کم ہو گی ۔این ڈی ایم اے نے اپنی ایڈوائزری میں کہا کہ حد نگاہ کم ہونے کے باعث ٹریفک حادثات کے امکانات بڑھ جاتے ہیں لہذا محتاط رہیں۔ڈرائیور حضرات شدید دھند کے اوقات میں غیر ضروری سفر سے گریز کریں ۔دھند کی صورت میں ٹریفک حادثات سے بچا کے لیے احتیاطی تدابر اپنائیں ۔این ڈی ایم اے نے تمام متعلقہ اداروں کو دھند کے اثرات سے بچا کے لیے خصوصی اقدامات کی ہدایات جاری کردیں۔ این ڈی ایم اے تمام ممکنہ خطرات سے نمٹنے کے لیے پیشگی اقدامات یقینی بنا رہا ہے۔ این ای او سی کی جانب سے تمام متعلقہ ادارو ں کو ممکنہ خطرات سے نمٹنے کے لیے ضروری معلومات کی فراہمی بھی یقینی بنا ئی جا رہی ہے۔