اسلام آ باد(نیوز ڈ یسک)متحدہ عرب امارات میں سونے کی قیمتوں میں غیر معمولی اتار چڑھاؤ کے بعد شہریوں نے قرضوں کی ادائیگی
اور جائیداد کی خریداری کے لیے اپنے زیورات فروخت کرنا شروع کر دیے ہیں۔خلیج ٹائمز کے مطابق سونا ریکارڈ بلند سطح پر پہنچنے کے بعد اچانک سستا ہوا، جس کے نتیجے میں دبئی گولڈ سوک میں زیورات بیچنے والوں کی تعداد میں نمایاں اضافہ دیکھنے میں آیا اور دکانوں کے باہر طویل قطاریں لگ گئیں۔رپورٹ میں بتایا گیا ہے کہ جب سونے اور چاندی کی قیمتیں تاریخی حد تک بڑھیں اور پھر تیزی سے نیچے آئیں تو بڑی تعداد میں مقامی افراد اور سرمایہ کاروں نے موقع سے فائدہ اٹھاتے ہوئے اپنے قیمتی زیورات اور دھاتیں فروخت کر دیں۔
