نئی دہلی،واشنگٹن (این این آئی،اے این این )بھارتی کے سینئر صحافی راج دیپ سرڈیسائی نے کہا ہے کہ پاکستانی حدود میں حملے کے بعد بھارتیوں کی جانب سے بغلیں بجا نے کے عمل سے دنیا کا بھارت سے اعتماد اٹھ گیا۔پیر کو بھارتی صحافی راج دیپ سرڈیسائی ٹوئٹر پر اپنے بیان میں کہاکہ پاکستانی حدود میں بھارتیوں کی جانب سے بغلیں بجانے کے عمل سے دنیا کا بھارت سے اعتماد اٹھ گیا۔انہوں نے کہا کہ بھارتی عوام پلوامہ حملے
کا بدلہ لینا چاہتے تھے تاہم ہمارے اقدامات نے اس عمل کو کرکٹ میچ کے اسکور بورڈ میں تبدیل کر کے رکھ دیا ہے۔دریں اثنا امریکی اخبار نے دعویٰ کیا ہے کہ امریکی انتظامیہ نے پاکستان اور بھارت کے درمیان کشیدگی کم کرانے کی کوشش کی اورامریکا افغان امن عمل کو تحفظ دینے کی کوششوں میں مصروف ہے۔امریکی اخبار کے مطابق کشیدگی کے دوران افغان امن عمل کی حمایت کرنے کی پاکستانی صلاحیت خطرے میں ہے۔
